Жаңа оқу жылында Түркістан облысындағы орта білім беру ұйымдарының желісі 1093-ке артты. Оқушылардың болжамды контингенті 553 мыңнан астам, оның ішінде 1 сыныпқа қабылданатын балалар саны — 48 мыңнан астам. Бұл – үлкен көрсеткіш!
Бұл туралы бүгін Түркістан облысының Өңірлік коммуникациялар қызметінде өткен брифинг барысында Түркістан облысының білім басқармасының міндетін атқарушы Ғалымжан Орынов мәлімдеді.
Брифингте 2025-2026 оқу жылына дайындық жұмыстары пысықталды. Бүгінде атқарылып жатқан кезек күттірмес жұмыстары туралы жан-жақты таныстырылып, бірінші кезекте күрделі және ағымдағы жөндеу жұмыстары, «Келешек мектептері» бағдарламасы аясында салынып жатқан мектептердің берілуі, оларды оқулықтармен қамтамасыз ету, «Мектепке жол» акциясы аясында әлеуметтік осал топ отбасынан шыққан балаларды мектеп формасымен қамтамасыз ету, білім беру ұйымдарында балаларды ыстық тамақпен қамту және асханалардың санитариялық жағдайы бойынша баяндап берді.
— 2025–2026 оқу жылы еліміздің білім беру жүйесінде жаңа сапалық деңгей қалыптастыруға бағытталған ерекше кезең болып отыр. Мемлекет басшысы Қасым-Жомарт Кемелұлы Тоқаев білім саласының негізгі басымдықтарын айқындап берді. Біз үшін міндет – осы басымдықтарды білім беру ұйымдарда толық іске асыру.Жаңа оқу жылында Біртұтас тәрбие бағдарламасы – «Адал азамат» жүзеге асырылады. Барлық 1–11 сынып оқушылары «Day of AI» курстарымен қамтылады.
Мұғалімдерге ЖИ қолдану бойынша курстар ұйымдастырылып, әдістемелік ұсынымдар енгізілуде. Буллингтің алдын алу мақсатында «ДосболLIKE» бағдарламасы енгізілуде. Ас мәзірін Денсаулық сақтау басқармасы әзірлеп, оның сапасына қадағалау жүргізуде. Балалардың денсаулығын нығайтуға бағытталған спорттық және мәдени іс-шаралар тұрақты өткізіледі , — деген Ғалымжан Қалдыкөзұлы БАҚ өкілдері тарапынан қойылған сұрақтарға жауап берді.
Айта кететіні, өңірдегі білім беру ұйымдарында жүргізіліп отырған инфрақұрылымдық жұмыстар да қарқын алды. Облыста барлығы 29 «Келешекмектептің» құрылысы жүргізілуде, оныңішінде 13 мектеп өткен жылы іскеқосылса, биылғы жылы жаңа 16 «Келешекмектептің» құрылысы аяқталуда.
Жергілікті бюджет есебінен 17 жаңа білімнысандары салынып жатыр. 115 мектепжаңғырту жобасына енген болса, биылғыжылы 41 мектеп реновациядан өтуде. Сонымен бірге, өңір бюджеті есебінен 59 мектепте ағымдағы жөндеу жұмыстарыжүріп жатыр. Жалпы биылғы жылыТүркістан облысында 100 мектеп жөндеуден өткізілуде. Былтыр өңірде 20 мектеп пайдалануға берілді.
Ал, биыл облыста 43 мектептің құрылысы жүргізілуде, оның 29-ы “Жайлы мектеп” ұлттық жобасы арқылы болса, қор есебінен 14 білім ордасы бой көтеруде. Сондай-ақ, биыл 100-ден астам оқу орнының ғимаратына ағымдағы жөндеу жұмыстары жүргізілуде. 106 білім беру ұйымының жылыту жүйесі газға ауыстырылады.
