Энергетика министрлігі тауар биржаларынан тыс сатылатын сұйытылған мұнай газының шекті бөлшек сауда бағасын көтеру туралы бұйрық жобасын талқылауға шығарды.
Астана мен Алматыда баға литріне сәйкесінше 84 ($0,16) және 89 ($0,17) теңгеден 102 ($0,19) теңгеге дейін өседі.
Шымкентте – литрі 70 ($0,13) теңгеден 90 ($0,17) теңгеге дейін көтеріледі.
Басқа өңірлер литріне 6 теңгеден 20 теңгеге дейін өседі деп күтуде.
Еске салсақ, бұған дейін энергетика министрі Алмасадам Сатқалиев бензин бағасы көтерілетінін растап, оның себептерін атаған еді.
