Әлемге әйгілі америкалық поп-дива Дженнифер Лопестің Қазақстандағы алғашқы концертіне орай интернет кеңістігінде туризмге бағытталған ерекше ұсыныстар қарқын ала бастады. Әсіресе Instagram желісінде Дженнифер Лопестің концертіне қатысумен қатар, Қазақстанның көрікті жерлерін тамашалауға мүмкіндік беретін турлар кеңінен жарнамалануда.
Тур бағдары бойынша саяхатшылар алдымен табиғатымен тамсандыратын Көлсай мен Қайыңды көлдеріне, Шарын шатқалына барады. Саяхат соңында елордаға – Астанаға жол тартып, 2025 жылдың 1 тамызында өтетін Дженнифер Лопестің концертін тамашалау жоспарланған.
Алты күндік турдың құны – 1420 доллар (шамамен 730 мың теңге). Бұл бағаға концерт билеті (билейтін аумақ), жол шығындары және басқа да қызметтер кіреді.
Дженнифер Лопестің концерті
Pop, R&B және латын музыкасының жұлдызы Дженнифер Лопес өзінің әлемдік Up All Night турына Қазақстанды да қосқан. Концерт 2025 жылы 1 тамызда Astana Arena стадионында өтеді. Бұл – әншінің еліміздегі алғашқы өнер көрсетуі болмақ.
Осы сәтті жіберіп алмау үшін туроператорлар мен жанкүйерлер тарапынан ерекше қызығушылық байқалып отыр. Әлеуметтік желілерде билет пен тур сатып алуға асыққандар саны күн санап артуда.
